Ürəyinə kədər dolar,
İnsan yarpaq kimi solar.
Ən son ölən ümid olar
Arzulara çatmayanda.
***
Düşər qara,yağışlara,
Səmt yönələr yoxuşlara.
Həsrət qonar baxışlara
Arzulara çatmayanda.
***
Demə,könül,mənə təkəm,
Qəm yükünü özüm çəkəm.
Göz yaşımı seltək tökəm
Arzulara çatmayanda.
***
Vermə ürək sirrin yada,
Mövlud,sirdaş yox dünyada?
Dərdi-sərim düşər yada
Arzulara çatmayanda.
Δεν υπάρχουν ακόμα σχόλια.
Πρόσθεσε ένα σχόλιο για να ξεκινήσεις τη συζήτηση!