შენსკენ რომ მიხმობ და მეძახი

თავნება ქალი რომ მიწოდე,

ქედმაღალი ვარ და ჭირვეული

უთუოდ გაგაწვალებ იცოდე.

მზის ტყუპის ცალია ჩემი გული

მკლავები ჩამოჰგავს ლიანებს,

ჩაგეხვევიან და ისე შეგბოჭავენ

ვერსად გაექცევი იცოდე.

ამაყნი არიან სურვილები

ეშმაკის ცხენები გახედნეს,

ვინც მათთან ჯირითი გაბედა

ღრუბლების მხარ და მხარ

აჭენეს.

ლაგამს არ იკარებს ჩემი

გრძნობა

ქარივით გიჯია და ონავარი,

სული ვერ იგუებს მორჩილებას

ამორძალებტან წილნაყარი.

და ახლა თუ გინდა კვლავ მიხმე

და თუნდაც თავნება მიწოდე,

ძალიან ამაყი და ურჩი ვარ

უთუოდ გაგაწვალებ იცოდე.

Μου αρέσει!