შენა ხარ წყარო, თავანკარა-მე ვარ წყურვილი,
შენა ხარ ნება-მე ვარ გზნება, მე ვარ სურვილი,
შენა ხარ სიო-სასხვისიო-მე ვარ ხანძარი,
შენ ხარ ნათელი-მე სანთელი-შენი ტაძარი,
შენა ხარ ხატი, სალოცავი-მე ვარ მლოცველი,
შენა ხარ ვაზი-მე ვენახის ფესვის მკოცნელი,
შენა ხარ ქარი, ბობოქარი, შენ ხე ხარ ნატვრის,
მე მადრიგალი, შენ-გრიგალი ნატვრის ხეთათვის,
შენა ხარ მთვერე, ღამის ვერცხლი, მე-მთვარეული,
შენ სულით-ხორცი, მე კი შენით გადარეული,
შენა ხარ მიწის სიხავერდე, შენ ხარ ჯეჯილი,
შენ ხარ სიცოცხლე მე კი შენით გულგაგლეჯილი,
შენ ხარ ნექტარი სათაფლიის, მე ვარ იელი,
შენა ხარ თაფლი მე-ვიღაცა გადამთიელი,
შენა ხარ სხივი მზის ხანჯლების, მე კი ვარ თოვლი,
შენა ხარ ცეცხლი, ჩემთვის მზეც-კი გამლღობი ყოვლის,
შენ ხარ სიცოცხლე ჩემი მე კი მიზეზი გულთა
მტრფობისა შენდამი სინაზისა გულისთქმავ ჩემო....
Δεν υπάρχουν ακόμα σχόλια.
Πρόσθεσε ένα σχόλιο για να ξεκινήσεις τη συζήτηση!