როცა მოვკვდები დაღონდებიან ალბათ ჩემები

როცა მოვკვდები ყველას უცხოდ მოვეჩვენები

შეგეშინდებათ სიცივისგან გაირინდებით

ჩემი ერთგული მეგობრებიც კი შეშინდებით.

თქვენ ჩემს საფლავზე ამოიტანთ ლამაზ ყვავილებს

და შესანდობარს ერთი ჭიქით ჩემად დამილევთ.

მხოლოდ ამ ქვეყნად ერთად ერთი თხოვნა დამრჩება,

ნუ მომიგონებთ როგორც მნახეთ უკანასკნელად,

მე მომიგონეთ მშვენიერი ლაღი ფიქრებით,

ყველაზე უფრო ბედნიერი მკვდარი ვიქნები!