დგახარ და უყურებ გაღებულ ფანჯარას
შორია ცამდე და მით უფრო მიწამდე,
ასამდე გაზომვა არ გინდა თუ მაინც
ადექი გადახტი , არადა იწამე-
რომ ზევით ვიღაცა შენს ბედზე თამაშობს,
გმართავენ ძაფებით მომჩვარულ თოჯინას.
არ გინდა ასეთი ცხოვრება ჩარჩოში
გადახტი და მთვარე
ჩემამდე მოგიყვანს.
დავსხდეთ და ვიკითხოთ ჰესე ან კამიუ,
ვარჩიოთ ჩვენგან ვინ, ან საით წავიდა.
შეხედე სნობიზმით გადაღლილ სამყაროს
გრძნობები ასტკივდა.
ახლა კი უბრალოდ თვალები დახარე
სულს ისევ ერჩიან,სადღაა ლოგიკა
გადახტი და მერე ჰო, მერე იცოდე
მთვარე მოგაკითხავს და ჩემთან მოგიყვანს.
Δεν υπάρχουν ακόμα σχόλια.
Πρόσθεσε ένα σχόλιο για να ξεκινήσεις τη συζήτηση!