Bir yağış olsaydın rəqs edərdim sənin damcılarınla
Bəlkədə külək olardın nəbzimi tutardım sənin şiddətinlə
Sən günəş tək parlaq ay qədər soyuqsan
Bəlkədə açıq səmada parlayan bir ulduz
Gecələrin sükutu, gündüzlərin nifrətisən
Sən sanki yad planetli gəlmisən qonaq bir neçə saatlıq sətirlərimə
Bəlkədə axtarırsan bəyaz vərəqlərdə bir neçə səmimiyyət
İnan artıq yoxdur qələmimdə səmimiyyət
Səmimiyyət yerinə yazır nifrət
Yenə aylı gecə ulduzlu səma gətirdi buludlu gecə,
sən bir gecəmin boşluğusan səndən yazmaq üçün yenə oyaq qalmalıyam
Yenə əlimdə qələm önümdə vərəq yazıram səndən birazda yorğun hisslərdən,
Qələmim hisslərimin tərçüməçisi yenə dan yeri işıqlanır səni çıxarmalıyam
Qələmimin yazdığı sətirlərdən, yorğun qələmim və bezgin sətirlərim
Üsyan edir gecələrə yenə bu gecə sənsizliyin mübarizəsinə qoymalıyam son
Səni xəyallarımdakı göylərdən…
Yenə getmək istəyirəm uzaqlara
Nədənsə ayaqlarım getmir beynim hökm etmir
Mən gecikirəm uzaq səfərlərə amma getmək istəyirəm uzaqlara
Qaçaraq getmək buraları tərk etmək tozlu keçmişə səyahət etmək
İnsanları tərk etmək onları silmək əbədiyyatdan, ədəbiyyata çıxmaq
İlk yazılmış roman olmaq yarımçıq oxunuraq atılmaq
Və sonda tənha qalmaq bir neçə sətirlərlə
Düşünərək dərk etmək. Dərk edilərək tərk edilmək
Bir neçə səhifədə tapmaq özünü bəyaz kağızlarda mürəkkəb olmaq
Deyəsən çox gec oldu yenə qaranlıq düşdü ay işığı pəncərimi döyür
Sakit nəfəs kimi otağıma daxil olur başıma sığal çəkir məni oyadır
Artıq getmək vaxtıdır oyan gecikir saatlar məni oyadır sayılı dəqiqələr
Yorunuğam birazda halsızam uzaq səfərə çıxıram mən bugün sonuncuyam
Qapımı döyür küləklər çağlayır şimşəklər kəsibdir nəfəsimi…
Boşdu ürəklər küçələr kimi
Boşdu hisslər ilk baxışlar kimi
Yox nə həqiqət nə səmimiyyət
Var yalan,nifrət var rəzalət
……………………………………..
Təbbiətin səhvi-cəmiyyətin əksi
Şəxsiyyətlər olub vəhşilər
Ailələr qalıb kənarda mövzu sevgilər
Yadakı olmayan hisslərdən yarandı nifrətlər
……………………………………………………..
Daha nələr gələr dəbə ?
Əməllər çalışır əsəblərə
İlk dəfə gördüm ağıl aciz qaldı hisslərə
Gördüm tanrı köməysizdi minlərə
…………………………………………………
Gördüm necə qorxu düşdü cana,
Bildim necə pul dərddi hər insana
Eşitdim necə olur inananda istədiyin yalana
Hiss etdim necə dağılarmış illərlə qurduğun dünya
…………………………………………………………………..
Necə çalışarlar səni məhv etməyə
Sümüklərini belə hətta gəmirməyə
Əgər fərqlənsən bu cəmiyyətdən
Seçilərsən necə seçilir qəddarlıq mərhəmətdən.
Müəllif. Anar İsgəndərli.. (Arlin Eden )